MANIFESTO DE APOIO DA XENTE DA CULTURA

Desde SOS Sanidade Pública Galega queremos agradecer a todas as persoas que desde todos os ámbitos culturais están apoiando a Sanidade a través do seu manifiesto.

Aquí debaixo podes atopar o manifiesto e o listado da xente que o asina.

Para asinar podés facelo a través deste enlace

MANIFESTO EN DEFENSA DA
ATENCIÓN PRIMARIA E DO SISTEMA SANITARIO PÚBLICO DAS
PERSOAS DA CULTURA GALEGA

1- Os graves problemas de acceso á asistencia sanitaria coa hexemonía da ineficiente consulta telefónica, listas de agarda que poñen en perigo aos pacientes, falta persoal médico de familia e pediatrías, e péchanse PAC e centros saúde no rural).

2- A aprobación pola Consellaría e o SERGAS, duns orzamentos para a Atención Primaria que supón a metade do orzamento necesario segundo a Organización Mundial da Saúde.

3- O rexeitamento pola Xunta de aprobar un Plan Extraordinario e Urxente, para solucionar a falta de persoal sanitario nos Centros de Suade.

4- O gasto sanitario por persoa en Atención Primaria en Galicia e dos mais baixos do Estado, mentres seguen crecendo os seguros privados. Isto supón un aumento inaceptable da iniquidade na saúde.

5- O incremento da mortalidade evitable e xeral, non explicable pola epidemioloxía, e o resultado do desmantelamento da Atención Primaria, do crecemento das listas de
espera e do colapso continuado dos servicios de urxencias hospitalarias.
Consideramos que a cidadanía non pode aceptar resignada e submisamente o desmantelamento e deterioro da Atención Primaria Pública que pretende impoñer a Xunta, polo que e necesaria súa mobilización, en alianza co persoal sanitario, sometido
a unhas condicións de precariedade, baixos salarios e unha elevada presión asistencial.
Exiximos o restablecemento de todo o eliminado na Atención Primaria Pública de Galicia, a adopción de medidas para reducir as listas de espera e a aprobación dun Novo Modelo de Atención Primaria coa participación social e profesional.

Por todo ilo apoiamos e nos sumamos as medidas propostas na Iniciativa Lexislativa Popular para salvar a Atención Primaria e a Manifestación na Defensa da Sanidade Pública Galega o dia 12 de febreiro en Santiago de Compostela, promovidas pola Plataforma SOS Sanidade Pública de Galicia

1. Alba Fernández Álvarez. Creativa, ilustradora
2. Alba Prol. Directora
3. Alberto Lobelle. Director
4. Alberto Vázquez. Director
5. Alejandra de Diego. Libreira
6. Alfonso Hermida, xornalista.
7. Alfonso Zarauza. Director
8. Alfredo Monde. Escritor
9. Álvaro Gago. Director
10. Ángela  Antía Otero – escritora e editora 
11. Angeles Huerta. Directora
12. Antón Baamonde, escritor.
13. Antón Xoan Rajó Pazó, escritor.
14. Antonio Grunfeld. Director
15. Anxel Vázquez de la Cruz. Escritor, médico pediatra
16. Anxos Fazáns. Directora
17. Antonio Martínez Rial 
18. Antonio Sandoval Rey, Escritor 
19. Avelino gonzalez. actor
20. Beatriz Maceda Abeleira. Mestra.
21. Begoña Varela. Libreira.
22. Belén Montero. Videoartista
23. Berta Ojea, actriz
24. Borja Fernández Rodríguez. Actor
25. Camiño Noia . Escritora, catedrática emérita da UV.
26. Carlos Ares Guionista-Productor
27. Carlos Blanco. Actor
28. Carlos Gómez Bermúdez, profesor retirado
29. Carlos louzao. Fotógrafo
30. Carlos Martínez Carbonell- Xestor cultural
31. Carolina Martínez. Xestora cultural.
32. Cesareo Sanchez Iglesias
33. Chema Gagino. Realizador
34. Chus Pato 
35. Cláudia Morán, Xornalista
36. Concha Cid-Fuentes, Xornalista
37. Cristina Barneito. Libreira.
38. Cristina Jarabo Bueno, Maestra
39. Cristina Mouriño Regueira , profesora de música 
40. Curra Figueroa. Escritora, bióloga
41. Daniel Castro García
42. Diego Anido Alonso
43. Dolores Varela. Escritora e feminista
44. Dolores Vilavedra, Profesora literatura da USC e Consello de Redacción de Grial.
45. Dora Gondar Bouzada. Química
46. Elías Torres, decano da Facultade de Filoloxía USC.
47. Eva Veiga. Poeta.
48. Evaristo Pereira. Ilustrador
49. Erica Pereiro Silvosa, gestora cultural
50. Felipe Peña. Membro numerario da Real Academia Galega de Belas Artes, arquitecto.
51. Félix Soria xornalista
52. Fernando Cortizo, Director de cine
53. Fernando Lema Guerra, deseñador gráfico 
54. Fernando Tato. Actor e director
55. Fina Casalderrei, escritora.
56. Fran X. Rodríguez. Director e postproductor
57. Francisco Cerviño Membro correspondente da RAG, médico.
58. Gon Caride. Director
59. Gutier Rolán. Realizador
60. Héctor Carré. Director
61. Hector Pose
62. Henrique Monteagudo, escritor. Secretario do Consello da Cultura Galega. Membro da RAG.
63. Ibai Quinteiro Recondo. Profesor de ensino secundario.
64. Isabel Rey- Pintora
65. Isabel Romero Barciela. Profesora de Ensino Secundario 
66. Jacobo Lagüela Castro. Director
67. Javier Lopez Actor de doblaxe
68. José Antonio González Boullosa, promotor cultural
69. Jose Ignacio Fungueiriño  gestor culturalv
70. José Louzao. Realizador
71. José Maria García Paredes
72. José Vila.    Farmacéutico 
73. Juan Galiñanes .Director
74. Juan Lesta.Videoartista
75. Lázaro Louzao. Director cine
76. Lola Aguín Martínez.
77. Lourenzo Fernández Prieto, profesor de Historia da USC e escritor
78. Luis Miguel Rosales Diz, editor e programador cultural
79. Luma Gómez 
80. Luz Darriba. Artista e escritora.
81. Lydia Fontoira Membra do Patronato da fundación Rosalía de Castro. Profesora xubilada da USC
82. Manu Viqueira. Director e postproductor
83. Manuel Cortés Tallón. Actor, dramaturgo, guionista.
84. Manuel López Rivadulla, Presidente do Ateneo de Santiago.
85. Manuel Pena Gómez. Realizador
86. Manuel Rivas, Escritor e periodista
87. Margarita Ledo, escritora e directora de cine.
88. María Armesto-Dramaturga-Directora
89. María Elena Cuenca Rodríguez profesora de universidad
90. Mariam Ledesma música
91. Marilar Aleixandre. Membra numeraria da RAG, escritora, catedrática xubilada da USC.
92. Mario Diz Otero. Músico 
93. Mariví Amor 
94. Marta Domínguez Lloria – Diseñadora
95. Mercedes Queixas Zas  Profesora e escritora
96. Mercedes Peón. Musica
97. Mercedes Rosón Ferreiro
98. Miguel de Lira. Actor
99. Miguel Mato Fondo. Escritor, profesor xubilado de ensino medio.
100. Montse Rivera (Leilía), pandereteira e mestra de baile tradicional
101. Nacho Ozores. Director
102. Noemí Chantada .Directora
103. Norberto Leivas. Director
104. Olegario Sampedro. Escritor
105. Obdulia agreda Rodriguez
106. Pablo Fontenla. Director e Dop
107. Pablo García. Realizador
108. Pastora Veres. Escritora.
109. Patricia de Lorenzo González, Artes escénicas
110. Pepa Baamonde García – Reformada.
111. Pepe Formoso Mourelos  Profesor Universitario
112. Pere Tobaruela, escritor.
113. Pilar Abades. Directora
114. Pilar Pallarés. Poeta, profesora xubilada de ensino medio
115. Sabela Iglesias. Productora
116. Samuel Lema. Director de Arte e Director
117. Sandra Montes, directora de cinema
118. Simone Saibene .Realizador e Comunicador
119. Silvia Penide, cantante
120. Sonia Méndez. Directora
121. Raúl García. Director
122. Ramón Máiz. Ensaista, catedrático da USC.
123. Ramón Rozas Domínguez .Xornalista cultural.
124. Rocío González Lorenzo
125. Romina Doce. Realizador
126. Ruth Toledano, columnista y editora
127. Sandra Sánchez. Directora e editora
128. Suso de Toro. Escritor
129. Suso Lista. Escritor
130. Teresa Morales profesora jubilada
131. Uxía Pereiro Vaello, Vestiarista
132. Víctor Freixanes, Presidente da RAG.
133. Vitor Mosqueira-Actor
134. Xabier Correa Corredoira. Pintor.
135. Xabier Jácome Couñago. Realizador
136. Xaquín, operario do metal
137. Xavier Alcalá. Escritor, enxeñeiro
138. Xavier Villaverde. Director cinematográfico 
139. Xavier Castro, ensaísta e historiador.
140. Xesús Alonso Montero. Membro numerario da RAG, escritor, catedrático emérito da USC.
141. Xesús Ron Pereiro,  Artes escénicas
142. Xoan Mariño, monologuista e promotor de eventos.
143. Xosé Manuel Soutullo. Editor.
144. Xoxé Ballesteros Editor
145. Xulián Maure. Editor, catedrático xubilado de ensino medio.
146. Xurxo Lobato. Membro numerario da Real Academia Galega de Belas Artes, Fotógrafo.
147. Xurxo Martiño Costa Pérez. Pintor
148. Yolanda Castaño. Poeta e xestora cultural
     

CROWFUNDING

Abrimos un crowfunding para costear os gastos necesarios para promocionar a campaña da ILP e a manifestación do próximo 12 de Febreiro en Santiago.

Imos conseguir que todo o mundo o saiba!!

Moitas grazas a todas as persoas que xa estades apoiando, calquera aportación, por pequena que sexa, vai supoñer unha gran axuda.

Aquí tedes o número de conta:

CONTA: ES27 0182 4730 3100 0012 8920. BBVA

Estes son os gastos que precisamos cubrir:

Imprenta- 700€

Cuñas na radio a nivel galicia- 2657,82€

Realización cuña radio- 150€

Iremos avisando por aquí e pola redes do que se vaia conseguindo.

gracias por participar!

Hoxe mércores 25 de xaneiro Recollida de sinaturas xunto ao Obelisco, na Coruña

Hoxe, mércores 25 de xaneiro, a partir das 18:00 horas, estaremos no Obelisco de A Coruña para recoller sinaturas de apoio á Iniciativa Lexislativa Popular (ILP) de fortalecemento da atención primaria.

O tempo que deu o Parlamento para a recollida de sinaturas remata en febreiro e queríamos facer unha última recollida o máis grande posible. 

A ILP quere chamar a atención e poñer en marcha unha serie de medidas para revitalizar e fortalecer a atención primaria. 

Un resumo esquemático das medidas propostas é o seguinte:

– Atención presencial ou telemática decidido polo paciente.

– Resposta telefónica por unha persoa, non dun robot, non de máquinas.

– Adecuar os cadros de persoal ás necesidades da poboación para garantir unha atención de calidade.

– Limitar o número de consultas diarias para permitir un tempo de atención axeitado ás necesidades dos pacientes.

– Garantir estabiliade laboral e condicións laborais adecuadas e atractivas, para fidelizar aos profesionais.

– Garantir a participación cidadá.

– Reducir as listas de espera para probas diagnósticas e para consultas hospitalarias.

– As persoas que non desexen ser atendidos en centros privados non perderán o seu posto no rexistro na lista de espera.

– Autonomía de xestión na atención primaria, sen dependencia do hospital.

– Garantir a accesibilidade sanitaria en condicións de equidade, independientemente do lugar onde se viva, xa que no medio rural hai zonas con moitas máis dificultades de acceso que o resto.

Pedímoslle á cidadanía que se acerque este día para asinar a ILP e apoiar e fortalecer a nosa sanidade pública, a nosa atención primaria.

CONCERTO- DEFENSA CENTRO DE SAÚDE DE SEIXO

16 XUÑO 2022

about:blank

O Cine Seixo acollerá hoxe un evento musical que ofrecerá unha serie de concertos en directo da man dos dúos locais A Revolta, cun estilo folk combativo, e Zeltia Irevire, enfocado ao folk tribal. As actuacións, que darán comezo a partir das 20.30 horas, contarán cun carácter reivindicativo en protesta á situación da sanidade pública de dita parroquia marinense.

Esta iniciativa naceu dun acordo establecido entre o guitarrista de A Revolta, Samuel Acuña, e a cantautora do dúo Irevire, Zeltia Acuña, ambos con raíces en Seixo, motivado polo desexo de tocar no histórico Cine Seixo. Así, en colaboración coa Plataforma pola Defensa do Centro de Saúde de Seixo, decidiron trasladar o seu apoio á causa defendida por dito colectivo outorgándolle un aspecto cultural e musical.

As entradas anticipadas ao evento estarán dispoñibles en La Panadería de Seixo, e tanto estas como as que sexan adquiridas á entrada do concerto terán un prezo xeral de seis euros.

artigos relacionados DIARIO DE PONTEVEDRA

MANIFESTACIÓN EN O MORRAZO PARA SALVAR A ATENCIÓN PRIMARIA

4-xuño-2022

A veciñanza de Moaña suma máis de 25 domingos consecutivos de mobilización diante da Casa do Mar da localidade. E mentres o Goberno galego non atenda as súas demandas, seguirá a concentrarse ao final de cada semana.

Así o expresou este domingo, 5 de xuño, a alcaldesa de Moaña, Leticia Santos, encargada de ler o manifesto que clausurou unha marcha que arrancou da Casa do Concello e finalizou no centro de saúde, na que participaron centos de persoas da comarca.

5.000 persoas toman as rúas de Moaña en defensa da sanidade pública

A Mesa Local da Sanidade de Moaña reclama á Consellaría de Sanidade que cubra as vacantes  do persoal médico de tarde, que reabra as urxencias e reforce o servizo de ambulancias do Morrazo.

As reivindicacións da cidadanía de Moaña foron secundadas polo Concello e a veciñanza de Cangas, que se sumaron á protesta.

Política de recortes

Censuraron as políticas de recortes da Xunta e as consecuencias da perda paulatina de orzamentos, profesionais, camas hospitalarias e servizos esenciais externalizados á sanidade privada; entre outros “listas de agarda disparadas, colapso das urxencias e desatención da saúde mental e das mulleres”.

Con todo, subliñaron, a que con “máis intensidade sufriu os recortes foi a Atención Primaria“, con “consultas masificadas, redución de profesionais, sen substitucións, feche de axendas e PAC ao límite”.

Exiximos a restitución inmediata das urxencias na Casa do Mar de Moaña e da atención médica para toda a veciñanza

A pandemia agravou a situación, denunciaron e converteuse na “coartada perfecta” para facer de “definitivas” medidas que se anunciaron como “provisionais”.

Mundanzas organizativas

Leticia Santos referiuse ao traslado das urxencias de Moaña a Cangas, que exixe restituír de inmediato. “Levar as urxencias en Cangas supuxo un incremento do tempo de resposta en casos onde a presenza dos equipos médicos é vital”, polo que tamén demanda unha ambulancia para o reforzo da comarca.

“A falta de PAC en Moaña, desde outubro a quenda de médicas de tarde está ao 50%, polo 2.870 persoas non temos médica de referencia. Cada día aténdenos unha persoa distinta se non é que nos derivan a Cangas”.

 Primaria pode perder 40% dos médicos en cinco anos

Cuestionou o seguimento de patoloxías e doentes, así como o silencio do conselleiro de ante a petición dunha reunión urxente.

“Non podemos permitir que se destrúa un ben tan prezado como a sanidade pública”, concluíu. “Exiximos a restitución inmediata das urxencias na Casa do Mar de Moaña, a atención médica para toda a veciñanza e o reforzo de todo o persoal sanitario da Atención Primaria, médico, pero tamén administrativo, de enfermaría, rehabilitación e pediatría“.

Artigos de prensa relacionados

VOZ DE GALICIA

NÓS DIARIO

A IMPARABLE PRIVATIZACIÓN DA SANIDADE PÚBLICA GALEGA

Manuel Martín, médico de familia, presidente da Federación de Asociacións para a Defensa da Sanidade Pública e portavoz da Plataforma SOS Sanidade Pública,

MANUEL MARTÍN GARCÍA

24/MAIO/22

Nos últimos anos, especialmente desde os recortes sanitarios que introduciron Mariano Rajoy e Núñez Feijóo nos recursos do sistema –coa coartada de facer fronte á crise económica do 2008 e das estratexias para combater a epidemia da Covid–, a privatización sanitaria avanzou de maneira significativa en Galicia, tanto na provisión como no financiamento dos servizos. 

Aínda que o gasto sanitario creceu moderadamente nos últimos dous anos, destínase esencialmente a Atención Hospitalaria, compra de aparatos tecnolóxicos –que venden as multinacionais apoiadas por Feijóo– o que desequilibra o sistema e abre o camiño á privatización.

O orzamento sanitario para o 2022 representa o 34 % do orzamento galego e creceu en 268,7 millóns con respecto ao 2021. Estes fondos destínanse preferentemente a:

—Atención hospitalaria, que crece un 16,5% (28 millóns de euros). A pesar diso, moitos servizos seguen funcionando a baixo rendemento coa coartada de que é necesario reservar camas e recursos á Covid, algo que non se corresponde coa realidade. Esta situación xerou un enorme tapón nas listas de espera de consulta, probas diagnosticas e cirurxía, que deterioran gravemente o sistema e a súa imaxe pública.
—Comprar equipamento tecnolóxico ás empresas multinacionais que os fabrican, 6,4 millóns para equipos de ultrasón, 25,6 para bloques cirúrxicos e 61,3 millóns para equipos de diagnóstico por imaxe.

Mentres tanto, o orzamento para Atención Primaria, semiparalizada e ao bordo do colapso, reduciuse en dous millóns con respecto ao pasado 2021, debilitando aínda máis a Atención Primaria que é a base do sistema público e absolutamente imprescindible para garantir unha atención integral baseada na promoción, prevención e a rehabilitación da saúde.

No 2009 o gasto privado supoñía 25% do gasto total e creceu nos últimos 10 anos de maneira moi importante ata alcanzar 31% do gasto, o que representa un aumento de 20%. A este ritmo, en 20 anos poderiamos ter a sanidade privatizada na súa case totalidade.

A privatización medra a pasos axigantados

As políticas do Sergas para combater a epidemia da Covid en Galicia baseáronse en limitar o acceso aos centros de saúde para evitar contaxios e en paralizar a actividade de numerosos servizos para deixar espazo ás persoas afectadas polo virus. Esta política favoreceu o crecemento do seguros privados. Incrementáronse un 3 % nos últimos anos, pasando dun gasto per cápita de 98 euros en 2014 a 121 no 2021, o que supón un incremento de 20%. Con todo, moitos dos novos seguros ofértanse unhas primas de 15 euros mensuais (seguros lixo) incompatibles cunha cobertura real da enfermidade (con primas superiores a 600 euros). Por outra banda para obter os maiores beneficios moitas aseguradoras explotan ao persoal médico con contratos de entre 7-30 euros por consulta de medicina xeral ou de 16-40 na especializada, o que obriga a este persoal a masificar as axendas con grave deterioración da calidade da atención.

Outra privatización do financiamento constitúeo o chamado gasto de peto, é dicir o pago que ten que realizar a poboación para pagar ao dentista, comprar medicamentos, próteses e órteses, fisioterapia, etc. Este gasto supón 457 euros per cápita ao ano ou 2.000 euros por familia. Resulta inxusto e un atentado para a equidade que a poboación que paga a súa sanidade pública con impostos teña que realizar a maiores estes importantes gastos, que non todo o mundo é capaz de afrontar.

A masificación das axendas supón unha grave deterioración da calidade da atención

Os hospitais privados están a ser adquiridos por empresas multinacionais e viven das subvencións públicas. Este sector sanitario dispón en Galicia de 62% dos hospitais e 24% das camas. Os centros privados realizan 27,8% das intervencións cirúrxicas, 20,4% das hospitalizacións e atende 21,8% das urxencias, en gran parte grazas a concertos co Sergas. Ata hai pouco a maioría dos hospitais pertencían a pequenas empresas familiares ou cooperativas médicas.

Estes hospitais acumulan importantes recursos tecnolóxicos, como 59% dos equipamentos de resonancia magnética ou 50% dos PET (tomografía por emisión de positróns).

O 80% dos hospitais privados (16 dun total de 24) teñen concertos coa seguridade social que lles envía pacientes en lista de espera.

Durante o Goberno de Núñez Feijóo, puxéronse en práctica diferentes fórmulas para facilitar o transvasamento de diñeiro da sanidade pública á privada:

—Concertos parciais, polos que o Sergas envía volumes de pacientes determinados e garantidos a 13 centros.
—Concertos substitutorios, polos que prestan toda a actividade asistencial a unha poboación asignada polo Sergas. Esta fórmula aplícase a tres hospitais (30% do total do Estado).
—Concertos singulares, polos que a Clínica Povisa, de titularidade privada, se integrou na Rede de Hospitais de Utilización Pública.

A maior parte destes concertos especiais benefician empresas multinacionais que adquiriron nos últimos anos numerosos centros privados tradicionais: Quirón Saúde (aseguradora estadounidense Centene), 1 Vithas, 2 HM Hospitais e 1 Ribeira Saúde (multinacional alemá Fresenius). É dicir, boa parte da actividade hospitalaria financiada co orzamento público galego está en mans de grandes multinacionais.

RECLAMACIÓN DE AMBULANCIAS polas plataformas de O Rosal, A Guarda e Oia

24 maio 2022

As plataformas do Rosal, A Guarda e Oia reclaman máis ambulancias asistenciais no Baixo Miño e unha medicalizada, debido as críticas desatadas porque houbo que facer un traslado a pé dunha camilla desde o centro de saúde ata o helicóptero cun paciente que sufriu un infarto.

Trátanse das ambulancias asistenciais de soporte vital básico, con base nos Concellos da Guarda e Tomiño, as asistenciais de soporte vital avanzado con base en Mos ou Vigo ou a asistencial de enfermería con base en Vigo así como os helicópteros medicalizados, con base en Santiago e Ourense.

O 061 indicou que o venres, tras a valoración clínica do servizo, o medico coordinador especialista da central de coordinación mobilizou ao helicóptero medicalizado con base en Ourense, «por tratarse do recurso sanitario máis acertado e cumprindo os protocolos establecidos para o tratamento da patoloxía do paciente». Sinala que as ambulancias de soporte vital básico con base na Guarda e Tomiño atopábanse asistindo respectivamente a dúas emerxencias sanitarias que requiriron traslado de pacientes ao Álvaro Cunqueiro. Manteñen a idoneidade do traslado na aeronave, do que ninguén dubidou, por outra banda, e lembra que a localización dos recursos asistenciais «obedece á análise de varios criterios que se analizan periodicamente».

As plataformas en defensa da sanidade pública do Rosal, A Guarda e Oia sumáronse onte ás voces críticas co ocorrido e denuncian que «pon de manifesto a falta de medios nos centros de saúde da zona». Insisten en que, ao seu xuízo, o numero de ambulancias asistenciais é insuficiente, que fai falta unha medicalizada e tamén persoal sanitario.

imaxe dunha concentración anterior en Tebra ( Tomiño) en agosto de 2021

UNIDADE MOBIL NA MARIÑA- reclamacions Centros de Saude

O veran foi decisivo para a Atencion Primaria e a atención da poboación, pola falta de persoal sanitario, o incremento da poboacion polo turismo nas localidades  e polas vacacions do persoal.

Por iso incrementáronse as mobilizacions, non podemos  resignarnos 

Foi un veran quente de mobilizacions cidadans  

DESCULPAS-ACTUALIZACIÓN DA WEB

Prezad@s amig@s, queremos desculparnos por anticipado polas molestias que vos pode causar a actualización da nosa web no día de hoxe, sobre todo á xente suscrita, pois probablemente vos cheguen tódalas novas publicacións xuntas.

Desde o pasado mes de maio estivemos tan a tope coas diferentes accións e co lanzamento da ILP, que foi imposible seguir o ritmo preciso para actualizar as nosas redes e a nosa web. Sentimos moito o retraso, pero esta finde actualizaremos as últimas novidades pois parecenos moi importante darlle visibilidade ao fruto que está a dar xa o estupendo traballo realizado ata agora.

Moitos parabéns e ánimo, as cousas por fin están a cambiar, grazas a tod@s, seguimos avanzando!!

manifestación en vilagarcia do 14 de outubro de 2022

MANIFESTACIÓN 12 MAIO- Vigo

O vindeiro xoves día 12 de maio ás 20 horas, as Plataformas para a Defensa da Sanidade Pública – SOS  Sanidade da Área Sanitaria de Vigo, convocamos unha manifestación para Salvar a Atención Primaria e Recuperar a Sanidade Pública desmantelada polo PP.

               Reivindicamos unha:

1.      Atención Primaria digna, con profesionais suficientes para atender con tempo ás persoas enfermas.

2.      Atención Hospitalaria con capacidade para atender ao 10% da cidadanía e acabar coas listas de espera que están a danar gravemente a saúde da poboación.

3.      Contratación digna do persoal que permita unha atención de calidade.

               Todas estas reivindicacións son compartidas por todalas Plataformas que integran SOS  Sanidade Pública de Galicia.

               En decenas de pobos, vilas e cidades de toda Galicia ,multiplícanse as mobilizacións para acabar con esta situación, aínda que teñen pouca repercusión mediática fore das localidades onde se celebran.

               É o momento de volver unir forzas e facer visible o descontento de toda a poboación galega coa política sanitaria da Xunta que está tentando  o desmantelamento sistemático da Atención Primaria e da Sanidade Pública, polo que animamos a todas as Plataformas de Galicia a apoiar esta gran mobilización, repetindo as grandes mobilizacións de Santiago. 

               As Plataformas e organizacións que podan, deberían emitir comunicados de prensa de apoio e na  medida que lles sexa posible, estar presentes coas súas pancartas en Vigo.

               Se non loitamos  todxs, perderemos o dereito a ter unha sanidade publica, de calidade, universal, accesible e equitativa. 

               A Xunta ten unha estratexia de desmantelamento e privatización, que a cidadanía non pode permitir e debemos dicirllo na rúa para cambiar no posible esa estratexia e poder seguir mantendo o ben máis preciado que temos que é a saúde.

               Animádevos e participade na gran mobilización de Vigo o 12 de maio as 20 horas.!!