Destacado

MANIFESTACIÓN 12 MAIO- Vigo

O vindeiro xoves día 12 de maio ás 20 horas, as Plataformas para a Defensa da Sanidade Pública – SOS  Sanidade da Área Sanitaria de Vigo, convocamos unha manifestación para Salvar a Atención Primaria e Recuperar a Sanidade Pública desmantelada polo PP.

               Reivindicamos unha:

1.      Atención Primaria digna, con profesionais suficientes para atender con tempo ás persoas enfermas.

2.      Atención Hospitalaria con capacidade para atender ao 10% da cidadanía e acabar coas listas de espera que están a danar gravemente a saúde da poboación.

3.      Contratación digna do persoal que permita unha atención de calidade.

               Todas estas reivindicacións son compartidas por todalas Plataformas que integran SOS  Sanidade Pública de Galicia.

               En decenas de pobos, vilas e cidades de toda Galicia ,multiplícanse as mobilizacións para acabar con esta situación, aínda que teñen pouca repercusión mediática fore das localidades onde se celebran.

               É o momento de volver unir forzas e facer visible o descontento de toda a poboación galega coa política sanitaria da Xunta que está tentando  o desmantelamento sistemático da Atención Primaria e da Sanidade Pública, polo que animamos a todas as Plataformas de Galicia a apoiar esta gran mobilización, repetindo as grandes mobilizacións de Santiago. 

               As Plataformas e organizacións que podan, deberían emitir comunicados de prensa de apoio e na  medida que lles sexa posible, estar presentes coas súas pancartas en Vigo.

               Se non loitamos  todxs, perderemos o dereito a ter unha sanidade publica, de calidade, universal, accesible e equitativa. 

               A Xunta ten unha estratexia de desmantelamento e privatización, que a cidadanía non pode permitir e debemos dicirllo na rúa para cambiar no posible esa estratexia e poder seguir mantendo o ben máis preciado que temos que é a saúde.

               Animádevos e participade na gran mobilización de Vigo o 12 de maio as 20 horas.!!

MANIFESTACIÓNS EN MOAÑA- máis de 5000 persoas, máis de 20 domingos consecutivos

O pasado 24de abril máis de 5.000 persoas marcharon polas rúas da localidade para denunciar o desmantelamento da Atención Primaria na localidade e reclamar a recuperación das urxencias médicas.

ver atigo completo de Fran.G.Sas e de Cristina González no Faro de Vigo

As reclamacións da veciñanza de Moaña a prol dunha sanidade de calidade non dan tregua. Após 20 domingos consecutivos de mobilizacións a favor da recuperación dos servizos médicos no centro de saúde, máis de 5.000 persoas manifestáronse na localidade en defensa dunha sanidade de calidade.

A alcaldesa de Moaña, Leticia Santos, sinalou ao remata da marcha a Nós Diario que “vivimos de celebrar unha manifestación con moito éxito para reclamar o que vimos demandando 20 domingos consecutivo, após uns retallos sanitarios que deixaron sen médico de referencia a máis de 2.700 veciños”.

A mobilización, convocada pola Mesa da Sanidade de Moaña, reclamou a volta das urxencias médicas á vila do Morrazo. A este respecto, Santos lembrou que “coa escusa da pandemia levaron para Cangas as urxencias argumentando que o centro de saúde de  Moaña non cumpría coas condicións necesarias, porén o PAC de Cangas presenta as mesmas características técnicas”.

Urxencias en Cangas

Leticia Santos advertiu que co “traslado das urxencias a Cangas incrementáronse os tempos de resposta do servizo de ambulancias cando se require persoal médico o que provoca graves retrasos na atención”.

A rexedora de Moaña urxiu ao “reforzo dos servizos de ambulancia, xa que se deron varios casos en que a atención médica non chegou coa suficiente rapidez e isto restou oportunidades a varias persoas que acabaron perdendo a vida. Nunca saberemos se se podería ter dado un resultado diferente”

Santos asegurou que “seguiremos a convocar estas mobilizacións até que a Consellaría entenda que as nosas demandas son xustas e que o que pedimos é ter unha Atención Primaria digna e uns servizos de urxencias en Moaña”.

TERRIBLES DATOS SOBRE AS LISTAS DE ESPERA HOSPITALARIAS

NOTA DA ASOCIACIÓN GALEGA PARA A DEFENSA DA SANIDADE PÚBLICA (AGDSP) SOBRE A PUBLICACION DAS LISTAS DE ESPERA NO ESTADO ESPAÑOL  EN DECEMBRO 2021.

1. O SERGAS segue instalado na súa política de reducir a información sobre as  Listas de Espera en Galicia, non publicando a información do mes decembro, como fan o Ministerio de Sanidade e o resto de CCAA . Como non dispoñemos de datos de decembro do 2021, compararemos as listas de xuño do 2019 (antes inicio pandemia)  con xuño  do 2020.

2. Esta información é especialmente importante nun momento en que os pacientes en espera duplicáronse durante a pandemia (un 46% máis respecto ao 2016 en todo o Estado). Este crecemento está acompañado dun incremento da mortalidade evitable (segundo recentes estudos científicos en que o crecemento das listas, incrementou a mortalidade evitable ou en torno ao 40% en homes e ao 30% en mulleres.

3.- Existen serias dúbidas sobre o grao de veracidade e transcendencia dos datos das listas de Galicia. Aínda que a información do Ministerio de Sanidade a coloca no penúltimo lugar na espera cirúrxica; se analizamos as intervencións mais frecuentes, observamos que Galicia ocupa o 5º lugar de 17 CCAA,  en pacientes  en espera por 1000 habitantes, un 11%  máis  que a media española, pola parálise hospitalaria.

4.- Estas esperas son sumatorias, empezan coa consulta solicitada a unha especialidade hospitalaria pola Atención Primaria, o tempo para realizar as probas diagnosticas solicitadas, e unha vez que volve x paciente a consulta, ten  a espera correspondente para a intervención cirúrxica. O tempo de espera cirúrxica, incrementouse un 20%, o de primeiras consultas hospitalarias un 11,7% e o de probas  diagnósticas un 17,3%. Así pois, habería que engadir un mes á espera real que soporta  cada paciente.

5.- A gran prexudicada por esta situación é a poboación que soporta importantes atrasos nos diagnósticos, tratamentos e rehabilitación por enfermidades  curables se se tratasen a tempo.

6.- A beneficiaria, como sempre co PP, é a sanidade privada, que recibe por centos axs paciente en espera non tratados nos hospitais públicos. En moitos destes hospitais, desde as secretarias dos servizos envían a estas persoas directamente a privada (se non o aceptan pasan ás listas ocultas ou Non Estruturais). Neste intre o caso concreto do Hospital de xestión Público-Privada Alvaro Cunqueiro de Vigo é revelador: este Centro que naceu para acabar coas listas de espera de Vigo (segundo Núñez Feijoo) gastase este ano 8 millóns de euros a maiores en enviar pacientes en espera aos hospitais privados de POVISA, Vithas, Concheiro,  Quirón Saúde e Clínica  Gaias.

Desde a AGDSP, consideramos que acabar coas listas de agarda, non pasa por incrementar o envío de pacientes aos centros privados senón por un plan urxente para incrementar a actividade dos centros públicos e acabar coa parálise parcial dalgunhas especialidades.

A falta de infraestruturas e de persoal é unicamente responsabilidade de quen está ao cargo da Sanidade Pública en Galicia dende fai 13 anos: o PP. 

foto das protestas polas lists de espera o pasado 22 de febreiro en Vigo

ACTO PÚBLICO- Xoves 10 de maio-Vigo

               O xoves 10 as 19:00h celebrarase na Casa Galega da Cultura de Vigo un encontro con motivo da manifestación que terá lugar vindeiro xoves día 12 de maio ás 20 horas.

Participarán :

Alberto García Pazos, Médico de Familia

María José Dieguez, Presidenta da Xunta de Persoal

Manuel G. Moreira, Plataforma SOS Sanidade Pública

As Plataformas para a Defensa da Sanidade Pública – SOS  Sanidade da Área Sanitaria de Vigo, convocamos erstá movilización para Salvar a Atención Primaria e Recuperar a Sanidade Pública desmantelada polo PP.

               Reivindicamos unha:

1.      Atención Primaria digna, con profesionais suficientes para atender con tempo ás persoas enfermas.

2.      Atención Hospitalaria con capacidade para atender ao 10% da cidadanía e acabar coas listas de espera que están a danar gravemente a saúde da poboación.

3.      Contratación digna do persoal que permita unha atención de calidade.

               Todas estas reivindicacións son compartidas por todalas Plataformas que integran SOS  Sanidade Pública de Galicia.

               En decenas de pobos, vilas e cidades de toda Galicia ,multiplícanse as mobilizacións para acabar con esta situación, aínda que teñen pouca repercusión mediática fore das localidades onde se celebran.

               É o momento de volver unir forzas e facer visible o descontento de toda a poboación galega coa política sanitaria da Xunta que está tentando  o desmantelamento sistemático da Atención Primaria e da Sanidade Pública, polo que animamos a todas as Plataformas de Galicia a apoiar esta gran mobilización, repetindo as grandes mobilizacións de Santiago. 

               As Plataformas e organizacións que podan, deberían emitir comunicados de prensa de apoio e na  medida que lles sexa posible, estar presentes coas súas pancartas en Vigo.

               Se non loitamos  todxs, perderemos o dereito a ter unha sanidade publica, de calidade, universal, accesible e equitativa. 

               A Xunta ten unha estratexia de desmantelamento e privatización, que a cidadanía non pode permitir e debemos dicirllo na rúa para cambiar no posible esa estratexia e poder seguir mantendo o ben máis preciado que temos que é a saúde.

               Animádevos e participade na gran mobilización de Vigo o 12 de maio as 20 horas!!

x

Manifestación o 14 de novembro en Santiago: na defensa e recuperación da atención primaria galega

SALVEMOS A ATENCIÓN PRIMARIA NA DEFENSA DA SANIDADE PÚBLICA

O que está a suceder na Atención Primaria, e as súas consecuencias para a cidadanía e as profesionais, ten un claro responsable: a política sanitaria exercida durante os últimos 10 anos polo PP e a Consellaría de Sanidade.

Unha política baseada nos recortes e no desmantelamento da Sanidade Pública:
 12 anos continuados de xubilacións das/os profesionais e de contratación en precario, que fomentaban a marcha de profesionais a outros servizos de saúde. Sen que a Consellaría de Sanidade tomase medidas .
 12 anos de recortes nos orzamentos destinados á atención primaria.
 12 anos de desmantelamento das estruturas directivas de primaria, para que ninguén sexa responsable do que acontece.
 12 anos de soberbia sen escoitar as/os profesionais que denunciaban esta situación, e que esixían poder traballar en condicións dignas.
 12 anos negándose a incorporar novos profesionais á atención primaria para garantir unha atención sanitaria integral.
 12 anos de populismo xestionando a sanidade con titulares de prensa.
Agora é a poboación galega e as/os profesionais as/os que sofren as graves consecuencias desta situación, cun goberno galego que segue sen escoitar, e sen tomar medidas efectivas para modificar esta situación.

Mais xa chegou o momento de PARAR ISTO, e dicir NON a:
 Ás colas na rúa para acceder aos Centros de Saúde
 A ter que realizar múltiples chamas telefónicas para conectarse co Centro de Saúde.
 Ás listas de espera de días ou semanas, incompatibles coa Atención Primaria, que colapsan os PACs e as urxencias hospitalarias e favorecen a privatización.
 Ao peche dos Centros de Saúde periféricos que discrimina á poboación rural, dispersa e mais envellecida, afastándoa da asistencia.
 Á consulta telefónica e telemática como eixo da asistencia, en detrimento da presencial, por que pon en risco a saúde e xera desigualdade para a xente maior.
 Ao recorte de persoal e a situación de inestabilidade e precariedade laboral do persoal dos Centros de Saúde


E inaceptable que moitos enfermos teñan que recorrer ao sistema privado para recibir atención sanitaria.É necesario recuperar a atención integral, a promoción, prevención, rehabilitación e traballo comunitario.
E imprescindible ter un orzamento finalista para a Atención Primaria, que supoña o 25% do orzamento sanitario.
E imprescindible ter mais persoal e un Novo Modelo de Atención Primaria digno, integral, accesible e de calidade.

Manifestación o día 14 de novembro
As 12 na Alameda de Santiago de Compostela.

CONCENTRACIÓNS 21 ABRIL: Pola RECUPERACIÓN DO SISTEMA SANITARIO PÚBLICO GALEGO

MANIFESTO POLA RECUPERACIÓN DO SISTEMA SANITARIO PÚBLICO GALEGO TRALA EPIDEMIA DA COVID-19.

A utilización política e partidista da COVID-19 por Núñez Feijoo, que acapara toda a información e decisións sobre a pandemia nos medios de comunicación, aproveitando o traballo realizado polo persoal da sanidade pública no seu beneficio politico-persoal.

A pandemia chegou a unha Atención Primaria debilitada a deteriorada polos gobernos do PP, sen suficientes recursos humáns, materiais e organizativos. A Atención Primaria, que tería que ser fundamental para o seguimento, control e tratamento de enfermxs da COVID-19, tanto nos Centros de Saúde como nos seus domicilios, encontróuse ca falta de recursos, que limitou a súa capacidade para poder asumir esas novas funcións e poder continuar atendendo adecuadamente as outras patoloxías e demandas da poboación.

As barreiras de acceso aos Centros de Saúde e ás especialidades hospitalarias (que suspenderon consultas, probas diagnósticas e intervencións cirúrxicas e non poder dedicarse as outras enfermidades non COVID-19), afecta á saúde da poboación e está xerando un gran malestar, tanto do persoal sanitario, como a nivel social; xs profesionais dos centros sanitarios, aos que se culpa pese a ser insuficientes, onde moitxs delxs estan en precario, pero eso sí: sempre comprometidxs.

A dificultade para comunicar cos centros de saúde e para recibir unha asistencia presencial, favorece que a poboación recorra ao sector privado o que incrementa as desigualdades de saúde. Recuperar a consulta presencial e a actividade normal dos Centros de Saúde, non debe supoñer volver á situación anterior de masificación e medicali- zacion da Atención Primaria.

A responsabilidade da situación nos Centros de Saúde e Hospitais é do SERGAS e da Consellaría de Sanidade, de onde saen as ordes para aplicar logo nos Centros.

Seguimos sen ter información transparente da situación de saúde e dos problemas coas vacinas que esta a crear gran preocupación social. A Xunta, aproveitouse desta alarma social, para modificar, por segunda vez, a Lei Galega de Saúde coa finalidade de recortar dereitos e liberdades cívicas fundamentais de xeito inconstitucional. O apoio social á loita contra a COVID-19, debe basearse no acordo e colaboración da poboación e non no temor a unhas sancións represivas e desproporcionadas. Resulta intolerable utilizar a pandemia para unha manobra de claro marketin político. Recordemos que na anterior reforma da Lei Galega de Saúde, quitáronse catro Áreas Sanitarias e a posibilidade da Participación Cidadá.

Desde a Plataforma SOS Sanidade Pública de Galicia, facemos un chamamento a poboación e axs profesionais sanitarixs, para unha gran mobilización cidadá, que esixa o fin da utilización partidista da pandemia e a elaboración dun Plan para a Recuperación do Sistema Sanitario Público en Galicia

Os orzamentos da Xunta, e a financiación que veña da Unión Europea, deben destinarse a incrementar profesionais, darlles estabilidade e evitar a precariedade, mellorar as infraestruturas da atención sanitaria, a investigación de saúde, e aumentar categorías profesionais, como xs Psicólogxs Clínicxs, Terapeutas Ocupacionais, Fisioterapeutas, Logopedas, etc.

A Plataforma SOS Sanidade Pública de Galicia, convoca a organizar concentracións-manifestacións en tódalas localidades de Galicia.

O 21 de abril, as 20 horas.

A mobilización do día 9 de febreiro a favor da sanidade pública galega é un éxito de toda a cidadanía galega.

Captura de pantalla 2018-02-13 a las 18.44.06

da as GRAZAS

Parabéns ás múltiples organizacións políticas, sindicais, cidadás, profesionais, de pacientes comprometidas coa manifestación do 9 de febreiro en defensa da sanidade pública galega, porque:

Fomos capaces de realizar un enorme esforzo unitario, xeneroso e intelixente; organizado actos informativos e de debate sobre a situación do noso sistema de saúde e das políticas da Xunta dirixidas a debilitalo, desmantelalo; repartido folletos informativos nas rúas e redes sociais no que participaron activistas de múltiples organizacións por encima de lóxicas diferenzas, con xenerosidade e lealdade; convocado manifestacións, peches, mesas informativas en números localidades; levado a plenos de deputacións e  concellos propostas de adhesión á manifestación; fretado autobuses para facilitar o traslado de persoas a Santiago; intervido en programas informativos e contestado ás preguntas dos medios de comunicación; informado nos centros sanitarios a enfermos e familiares; realizado entrevistas con autoridades e institucións, etc, etc., con lealdade, xenerosidade e respecto mutuo.

 A pesar do mal tempo miles de persoas acudiron a Santiago nunha das manifestación sanitarias máis masivas, que reflicten o rexeitamento e descontento social coa política sanitaria de Feijoo,  empeñado e desmantelar un do mellores sistema sanitarios do mundo para repartilo entre as súas multinacionais, construtoras, entidades financeiras, fondos de investimento, fondos voitres, farmacéuticas  e empresas sanitarias e non sanitarias.

Os problemas do sistema sanitario cunha Atención Primaria  sumida no deterioro por falta de recursos e sometida á burocracia hospitalaria, os hospitais comarcais en desmantelamento, as listas de espera ocultas e maquillas, as malas condicións laborais do persoal sanitario, as urxencias saturadas,  os hospitais públicos baixo mínimos para enviar pacientes aos centros privados concertados, a planificación, xestión, investigación, desenvolvemento e docencia en mans das multinacionais, etc. móstranos un sistema  sistema en crise.

Puxemos a sanidade na axenda política. É un dos principais problemas políticos da Xunta (e non só da poboación que padece os seus recortes).

O temor de Feijoo polas consecuencias da deterioración política, social e sanitaria levárono a convocar eleccións en Galicia para o próximo cinco de abril, antes de que a crise  desmorone aínda máis a Galicia. Temos que manter e incrementar a mobilización pola defensa e mellora da nosa sanidade pública, en risco real. Probablemente esta non aguantaría catro anos máis de poder dos actuais mandatarios e das súas políticas.

A magnitude do esforzo realizado non caerá en saco roto, Feijoo está cada vez máis nervioso e pretende enganar novamente á cidadanía con promesas de recursos sanitarios que ninguén se cre.

En breve convocaremos unha reunión xeral de todas as Plataformas e organizacións que a integran para deseñar novas accións. 

Manuel Martin

Voceiro

Miles e miles de persoas en Santiago na manifestación de SOS Sanidade Pública, en defensa da sanidade pública galega

Domingo 9 de febreiro de 2020.- Mensaxe clara e contundente hoxe en Santiago de Compostela ao partido popular:

Un NON moi claro contra a privatización sanitaria de Feijoo e o partido popular.

foto moncho

Éxito absoluto, innegable, da mobilización cidadá en Santiago de Compostela.

Texto do manifesto lido ao final da manifestación na Praza da Quintana:

A Sanidade Pública Galega segue en perigo e están a saltar todalas alarmas. Hai agora un ano que nos concentramos miles de cidadáns e traballadores sanitarios nesta praza, en defensa do noso Sistema Público de Saúde e contra a aplicación de reforma da Lei Galega de Saúde (feita polo PP en solitario), pero a Xunta de Feijoo segue facendo ouvidos xordos a este clamor e segue empeñada en transformar o sistema sanitario nunha oportunidade de negocio para as empresas multinacionais e os fondos de investimento que puxeron os seus ollos na Sanidade Pública Galega que Feijoo esta deteriorando, desmantelando e privatizando.

Como denunciamos reiteradamente, a reforma da Lei Galega de Saúde, estaba dirixida a desmantelar un sistema que garantía un nivel de equidade máis que razoable e o acceso universal á asistencia sanitaria (onde seguimos a ter testimonios de denegación de asistencia) e tendo un custo dos máis baixos da Unión Europea. Aínda que é verdade que a Sanidade Pública precisa reformas, as medidas de cambio non deben copiar modelos privados que demostraron ser máis custosos, inxustos e ineficientes sobre todo en países onde goberna o neoliberalismo. A universalidade, a equidade, a accesibilidade, e a eficiencia, deben ser os acenos de identidade do noso Sistema Sanitario Público.

E por qué estamos tanta xente aquí hoxe?

1º) A decisión de supeditar a Atención Primaria ás xerencias hospitalarias, contraladas por burócratas ao servizo de Feijoo, e do PP, supuxeron importantes recortes de persoal, orzamentos e equipamento, nos Centros de Saúde, que perderon calidade e capacidade resolutiva, mentres que a poboación enferma e debe esperar días ou semanas para ser atendida nos mesmos.

A consecuencia lóxica desta deterioración, foi a rebelión do persoal da Atención Primaria (indignado pola situación e a falta de resposta da administración a unhas demandas máis que xustificadas) e o apoio da poboación ás mesmas. A conxestión das urxencias hospitalarias e de atención primaria, a presión irracional sobre as consultas hospitalarias, o crecemento dos seguros privados (que non todo o mundo pode pagar e cuxa calidade é como mínimo cuestionable) e unhas listas de agarda que aínda que maquilladas, non deixan de crecer, son a consecuencia lóxica desta situación.

Chegou o momento de poñer no centro do sistema unha Atención Primaria que conte cos equipos de profesionais e dos recursos necesarios para desenvolver as actividades de promoción, prevención, tratamento e rehabilitación, que melloren a saúde da poboación e acaben coa medicalización, e oferte uns servizos accesibles e de calidade.

Hai que ofertar urxentemente as prazas de medicina familiar, pediatría, enfermaria, psicoloxía, fisioterapia, logopedia, terapia ocupacional, traballo social, odontoloxía, persoal administrativo, farmacia clínica, que garantan unha Atención Primaria Integral e que responda aos problemas de saúde da poboación galega, en coordinación cos servizos hospitalarios, de saúde mental e de atención á dependencia e a cronicidade. Aplicar de forma efectiva o Programa Integral da Muller.

2º) Suprimíronse Áreas Sanitarias e estanse desmantelando os hospitais comarcais, nos que se siguen pechando servizos e nos que faltan profesionais, situación que está afastando á poboación rural da atención hospitalaria e incrementando a desigualdade, en detrimento das Áreas máis pobres, envellecidas e con problemas de comunicacións e desprazamento. A Sanidade Pública ten que ser cercana e participativa por parte da poboación: na nova Lei Galega de Saúde, suprimíronse os Consellos de Saúde, cauce de participación, que estaba previsto e que nunca aplicou o PP.

O peche do paritorio do Hospital de Verín e da Unidade de Pediatría, é o exemplo palpable desta política. Co subterfuxio de que faltan pediatras e descende o número de nacementos, pretendeuse deixar a miles de mulleres da área rural, sin un servizo que garantizase dar a luz en condicións de seguridade sen ter que desprazarse a quilómetros da súa residencia. Esta decisión, ademáis de discriminatoria para a poboación afastada das grandes cidades, puxo en evidencia unha política sanitaria que non ten en conta as desigualdades de xénero. E tamén puxo de manifesto, que o pobo cando se une é capaz de vencer o poder.

A mobilización da poboación da área de Verín e de todo Monterrei, en alianza cos traballadores sanitarios, en defensa do seu paritorio e da súa Unidade de Pediatría, e do seu hospital en xeral, con peches, manifestacións, marchas ao Parlamento, foron capaces de vencer a unha administración que basea a súa xestión sanitaria nos recortes, as privatizacións e o engano (co apoio incondicional da CRTVG que é o voceiro do PP). Apoio total a Defende a Galega. Resulta patético os cambios de argumentos de Nuñez Feijoo ao longo do conflito, para xustificar o peche da sala de partos que mostran falta de solidez e de racionalidade da súa política sanitaria.

3º) Recentemente foron publicadas as listas de agarda dos hospitais do SERGAS, que seguen sen publicar as non estruturais (“ya le llamaremos….”), onde se amontoan miles de enfermos pendentes de consulta, probas diagnosticas e cirurxía. As miles de persoas que teñen a desgraza de ter un problema de saúde ou un parente enfermo, coñecen a realidade que se pretende ocultar. Estas listas serven de xustificación, para enviar (moitas veces contra a súa vontade) a miles de pacientes a hospitais privados concertados, baixo a cínica Lei de Garantías (creada ad oc polo PP en solitario). Feijoo descoñece a Sanidade Real de Galicia.

Esiximos que a Consellería de Sanidade recupere os recortes de orzamentos, dos últimos anos, poña en pleno funcionamento aos hospitais e acaben coa dedicación publica e privada dunha parte do persoal facultativo (que se beneficia na privada dos atrasos nos centros públicos).

4º) Os traballadores e traballadoras do Sistema Sanitario Público Galego, soportaron e soportan, serios recortes nos últimos anos, e viron como as súas condicións laborais foron deteriorándose ata acabar nunha contratación que se pode catalogar como lixo. A precariedade laboral, evidénciase na inestabilidade e na ausencia dunha política de persoal incentivadora. O persoal sofre os malos tratos dunhas xerencias politizadas e irracionais, que xunto á ausencia de perspectivas laborais dignas, obrigaron a miles de traballadores sanitarios a emigrar fora de Galicia. A falta de pediatras, enfermeiras, médicos e outras categorías profesionais, explícase pola ausencia de planificación deste goberno, que impón ao persoal sanitario unhas condicións indignas.

Tamén denunciamos a manipulación da CRTVG no tema sanitario, e saudamos a xente de Defende A Galega, que están connosco aquí hoxe.

Un persoal maltratado, descontento e frustrado ten serios problemas para ofertar unha atención de calidade en todolos eidos do sistema. A pesar disto, a entrega e a profesionalidade do mesmo, están a suplir os problemas asistenciais xerados polos recortes, mala xestión e privatización desta administración do PP. Galicia necesita dunhas autoridades sanitarias capaces de poñer en práctica unha política de persoal incentivadora, baseada na racionalidade e nunhas condicións laborais xustas. Que sepa o PP que o Consello Técnico de AP de Galicia, seguirá operativo…e que seguiremos nel; seremos vixiantes e seguiremos negociando, pero tamén cas mobilizacións. Xa sabemos a resposta que podemos esperar de Feijoo e o seu Goberno, pero esta gran manifestación debe ser o comezo dunha mobilización continuada que conduza a un cambio de goberno, sen o cal a Sanidade Pública Galega, está condeada á deteriorazón e posterior desaparición.

Ánimo, sempre adiante, todos xuntos, contra a privatización que promove o Partido Popular.

Compostela, 9 de febreiro do 2020.

Captura de pantalla 2018-02-13 a las 18.44.06