A asociación galega de defensa de sanidade pública califica de chantaxista a POVISA e pide solucións ao SERGAS

1521478615_274418_1521479700_noticia_normal.jpg

NOTA DA ASOCIACION GALEGA PARA A DENFESA DA SANIDADE PUBLICA (AGDSP) SOBRE A AMENAZA DE PECHE DE POVISA PARA PRESIONAR  AO SERGAS.

Ante a información de que POVISA pretende aplicar un pre-concurso alegando perdidas económicas ocasionadas polo Concerto Singular co SERGAS, desde a Asociación Galega para a Defensa da Sanidade Pública queremos comunicar:

 1.- Que consideramos que este anuncio forma parte  dunha estratexia chantaxista e recorrente de moitos anos (case desde o mesmo instante que conseguiu en Concerto Singular para saír de creba), como xa ten denunciado o Consello de Contas de que as revisións anuais foron utilizadas por POVISA para mellorar as súas ganancias.

 2.- A Xunta sempre busca beneficiar a POVISA, dados os importantes intereses cruzados entre ambos (a anterior Conselleira de Sanidade foi nomeada sendo xerente do Hospital Nª Sº da Esperanza do Grupo), como exemplo:

– En 1966 o Concerto permitiu que POVISA cobrase por adiantado, mellorase os pagos por capitalización e novas actividades, e aumentou a poboación asignada dos 102.312 a 127.405 habitantes, incrementando os seus ingresos. Paralelamente o SERGAS suprimiu os controis sobre os excesos que se sancionaban economicamente.

– O último Concerto negociado en 2014 modificou o sistema de pago pasando a cobrar por habitante (540 euros por persoa/ano), e permitíuselle captar poboación de máis zonas Vigo (cando antes só prestaba servizos ao Morrazo, Coia e Valmiñor)

 3.- POVISA utiliza as ameazas de peche para presionar aos seus traballadores cunha dobre finalidade de que:

– Acepten recortes nas súas condicións laborais: En 2010, tras declarar ganancias nos anos anteriores, unha auditoría de Deloitte informou de perdas por 1,9 millóns de euros,  polo que ameazou con despedir a 787 traballadores cun ERE. En 2014, aos tres días do novo e beneficioso Concerto Singular, pranteou outro novo ERE para despedir a 56.

– Presionen á Xunta  con mobilizacións a favor dunha re-negociación do Concerto que melloren as condicións para POVISA. En 2014 (durante a negociación do ultimo Concerto) a empresa chegou a ameazalos co despedimento se non se alcanzaba un acordo beneficioso co SERGAS.

 4.- O grupo POVISA conseguiu condicionar o desenvolvemento previsto de 1.470 camas para o Hospital Alvaro Cunqueiro, que recortáronse nas 400 do Concerto Singular. Este recorte permitiulle manter o Concerto (o máis caro do Estado) e alcanzar unha posición dominante nas negociacións coa Xunta, que non podería crear 400 camas da noite para a mañá se rómpese o acordo.

 5.- A área de Vigo non pode manter esta dependencia dun grupo empresarial privado que busca o seu beneficio económico e que é capaz de condicionar o desenvolvemento do Hospital Alvaro Cunqueiro, incrementar o gasto sanitario, e chantaxear á poboación e aos seus traballadores con un peche que deixaría a 1.400 traballadores na rúa a poboación sen as 400 camas necesarias para atender a 137.000 persoas.

 6.- Por todo iso esiximos o rescate do Hospital POVISA para a Sanidade Pública, atendendo a criterios de urxente necesidade sanitaria, e que pase a ser xestionado directamente pola Consellería de Sanidade.

Asociacion Galega para a Defensa da Sanidade Pública

1 de outubro do 2018

AGDSP

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google+ photo

Estás a comentar desde a túa conta de Google+. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s