Óscar Benito Portela, alcalde de Sada e líder de Sadamaioría, anima á participación na manifestación convocada por SOS Sanidade Pública o domingo 4 de febreiro en Santiago de Compostela.
Foto: Óscar Benito Portela Fernández no centro xunto a Luis García, da asociación de prevención de glaucoma, e Ramón Veras, portavoz de SOS Sanidade Pública A Coruña.
O alcalde garante a difusión da información no concello, nas parroquias e centros sociais así como na web e redes sociais.
O alcalde mostrouse preocupado pola situación da sanidade e a repercusión na saúde da cidadanía dos problemas de xestión e asistenciais do sergas. Lembrou que Sada é un concello pioneiro na realización de actividades saudables como por exemplo o programa Sadanda, o programa saudable para que a xente camiñe e retomen as relacións sociais, e esixe do Sergas unha maior dotación de recursos á sanidade así como un mellor funcionamento (listas de espera, urxencias, cobertura de ausencias en atención primaria).
plataforma en defensa da sanidade pública galega 